Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ադրբեջանը շարունակում է զարմացնել իր անհեթեթ քայլերով. այժմ էլ հերթը հասել է Եվրոպայի Հայ դատի հանձնախմբի ատենապետ, երկար տարիների գործիչ Գասպար Կարապետյանին:
Ադրբեջանի գլխավոր դատախազությունն Ինտերպոլի գծով հետախուզում է հայտարարել Բելգիայում գործող «Հանուն արդարության և ժողովրդավարության Եվրոպայի հայկական ֆեդերացիայի» ղեկավար Գասպար Կարապետյանի նկատմամբ: Այդ մասին հայտնում է АПА-ն՝ վկայակոչելով Ադրբեջանի գլխավոր դատախազության մամուլի ծառայության հաղորդագրությունը:
Նշվում է, որ Կարապետյանը 2014-2018 թվականներին բազմիցս այցելել է Արցախ, «Ադրբեջանի ինքնիշխանության և տարածքային ամբողջականության» դեմ կոչեր է հնչեցրել և միջազգային մակարդակում Լեռնային Ղարաբաղի Հանրապետության քարոզչությամբ զբաղվել:
Հիշեցնենք, որ վերջերս Կարապետյանի նախաձեռնությամբ Արցախ էին այցելել և պաշտոնական հանդիպումներ ունեցել եվրոպացի մի շարք պատգամավորներ: