Հուշ-միջոցառումներ՝ նվիրված Հրանտ Դինքի սպանության 11-րդ տարելիցին

Հունվարի 19-ին լրանում է Պոլսում լույս տեսնող հայկական «Ակօս» թերթի գլխավոր խմբագիր Հրանտ Դինքի դավադիր սպանության 11-րդ տարելիցը:

Ինչպես ամեն տարի, այս տարի նույնպես կլինեն հուշ-միջոցառումներ՝ նրա մահվան տարելիցին նվիրված: Դինքի  ընտանիքը, հարազատները, ընկերներն ու բարեկամները կհավաքվեն նրա սպանության վայրում՝ «Ակօս» խմբագրության նախկին շենքի դիմաց:

Դինքի մահվան տարելիցի կապակցությամբ միջոցառում կլինի նաև Բողազիչի համալսարանում:  Ֆրանսիացի մարքսիստ Էթիեն Բալիբարը կդասախոսի «Ժողովրդավարությունն ու ազատությունը՝ բռնության ժամանակներում» թեմայով:

«ԴուրԴե» պլատֆորմը Դինքի մահվան կապակցությամբ նույնպես միջոցառում կկազմակերպի, որին ներկա կլինեն ակտիվիստներ, լրագրողներ և ելույթներով հանդես կգան: