Թելման Իսմայիլովի նկատմամբ միջազգային հետախուզում է հայտարարվել

Մոսկվայի Բասմաննի դատարանը հեռակա կարգով ձերբակալել և միջազգային հետախուզում է հայտարարել ադրբեջանցի հայտնի գործարար, Չերկիզովսկի շուկայի նախկին սեփականատեր Թելման Իսմայիլովի նկատմամբ: Այդ մասին Интерфакс-ին հայտնել է նրա փաստաբան Մարինա Ռուսակովան:

«Ձերբակալության մասին անօրինական որոշումը կայացվել է հոկտեմբերի 30-ին: Այն արդեն բողոքարկվել է Մոսկվայի քաղաքային դատարանում: Բողոքը կդիտարկվի նոյեմբերի 15-ին»,- ասել է  նա:

Իսմայիլովին մեղադրում են երկու սպանությունների կազմակերպման և զենքի անօրինական շրջանառության մեջ:Այլ մանրամասներ չեն հաղորդվում:

Իսմայիլովը սնանկ էր ճանաչվել այս տարվա մարտին, ինչից հետո մեկնարկեց նրա ունեցվածքի իրացման գործընթացը: