ՌԴ-ում խուզարկություններ են իրականացվում ադրբեջանցի գործարար Թելման Իսմայիլովին պատկանող հասցեներում

ՌԴ իրավապահ մարմինները խուզարկություններ են իրականացնում  ադրբեջանցի գործարար Թելման Իսմայիլովին պատկանող հասցեներում: Այդ մասին հայտնել է փաստաբան Ալեքսանդր Դոբրովինսկին. հայտնում է Лента.ру-ն:

Պարբերականը, իր աղբյուրներին հղումով, հայտնում է, որ խուզարկություններն իրականացվում են երկու սպանության հետաքննության շրջանակում:

Ըստ աղբյուրի` խոսքը 2016 թվականի մայիսին Մերձմոսկովյան շրջանում մի քանի առևտրային համալիրների սեփականատեր Վլադիմիր Սավկինի և «Լյուբլինո-Մոտորս»-ի հիմնադիր Յուրի Բրիլյովի սպանության մասին է: Քննության ընթացքում ձերբակալվել էր Թելման Իսմայիլովի հարազատ եղբայրը՝ Ռաֆիկը: Նա մինչ օրս գտնվում է կալանքի տակ: