Հանձնարարական՝ զբոսաշրջության վերաբերյալ

Այսօր կառավարության նիստում օրակարգին անցնելուց առաջ վարչապետ Կարեն Կարապետյանը հանձնարարական տվեց զբոսաշրջության ոլորտում լրացուցիչ միջոցառումների անհրաժեշտության վերաբերյալ։ Ըստ նրա, վերջին ամիսներին Հայաստանում արձանագրվել է զբոսաշրջիկների այցելությունների ու ավիափոխադրումների շեշտակի աճ։ Չնայած դրական արդյուքններին, վարչապետի խոսքով, ոլորտում կա խրախուսման և լրացուցիչ միջոցառումների անհրաժեշտություն։

Նա հանձնարարեց ԱԳ նախարարին և Զբոսաշրջության պետական կոմիտեի նախագահին ըստ երկրների ուսումնասիրել Հայաստան ժամանող անձանց համար վիզային ռեժիմի լրացուցիչ ազատականացման կամ պարզեցման հնարավորությունը։

Քաղաքացիական ավիացիայի վարչության պետին հանձնարարվեց մշակել և կառավարության աշխատակազմ ներկայացնել ըստ զբոսաշրջության զարգացման միտումների Հայաստանի ավիափոխադրումների շուկայի ծավալի, ավիատոմսերի գնային առաջարկների բարելավմանն ուղղված համալիր առաջարկություններ։