Պետք է գիշեր-ցերեկ հայրենասիրական կոչով խնդրե՞նք` այստեղ ներդրում արեք. Վարդան Ղուկասյան

Այսօր ԱԺ-ում ընդունվեց  կառավարության` 2017-2022 թվականների ծրագրին: Դեմ քվեարկեցին ԱԺ «Ելք» և «Ծառուկյան» խմբակցությունները:

ԱԺ «Ծառուկյան» դաշինք խմբակցության պատգամավոր Վարդան Ղուկասյանից Yerkir.am-ը հետաքրքրվեց` ինչո՞ւ նա դեմ քվեարկեց կառավարության ծրագրին: Ղուկասյանի խոսքով` այսօր առաջնայինը ժողովրդի համար աշխատատեղերի ստեղծումն է, իսկ ծրագրի մեջ աշխատատեղերի ստեղծումը առաջնային չէր:

«Գիտե՞ք` ինչու դեմ քվեարկեցի. ժողովուրդը գո՞հ է` էս ինչ-որ հիմա ներկայացվեց, թե` ոչ»,- ասաց Ղուկասյանը, ապա հավելեց.  «Ասում է`  պետք է ինչ-որ ներդրումային դաշտ ստեղծենք, որ ներդրողը գա, ուզենա ներդրում անի, բա կառավարության դերն ու նշանակությունն ինչո՞ւմ է»:

Պատգամավորը նշեց, որ Շիրակում 30 տարի է` ներդրում չկա: «Չկա այդպիսի մեծահարուստ, և այդպիսի հարկային պայմաններ էլ մենք չենք ստեղծել երկրաշարժից հետո, որ գան, այստեղ ներդրումներ անեն: Կառավարության գործունեությունն այստեղ ինչո՞ւմն է կայանում: Հարուստ գյումրեցի չունենք, որ այստեղ ներդրում անի, ուրեմն ի՞նչ, պետք է գիշեր-ցերեկ խնդրենք հայրենասիրական կոչով, թե` ձեր պապը հայ է եղել, դուք հայ մնացե՞լ եք, թե՞ ոչ, եկեք այստեղ, ներդրում արե՞ք: Այ դրա համար դեմ քվեարկեցի»,- ասաց նա:

Ղուկասյանը նաև նշեց, որ դեմ քվեարկելու որոշումը քննարկվել է խմբակցությունում: