K1 ֆեդերացիայի մարզիկները 3 մեդալ են նվաճել Կովկասի գավաթի խաղարկությունում

Հունիսի 17-18-ը տեղի է ունեցել  Muay Thai-ի Կովկասի գավաթի խաղարկությունը, որը կազմակերպվել էր Հայաստանի Muay Thai Ֆեդերացիայի կողմից՝ ֆեդերացիայի նախագահ Արամ Աբրահամյանի գլխավորությամբ։  Մրցաշարին մասնակցել են  նաև  պրոֆեսիոնալ K1 ֆեդերացիայի մարզիկները ֆեդերացիայի նախագահ Նարեկ Հակոբյանի և փոխնախագահ Նաիրի Հակոբյանի գլխավորությամբ և վաստակել են 1 ոսկե և 2 արծաթե մեդալ։

Մրցաշարին մասնակցում էին  Հայաստանի, Վրաստանի և Իրանի մարզիկները։

Yerkir.am-ի հետ զրույցում Պրոֆեսիոնալ K1 Ֆեդերացիայի նախագահ Նարեկ Հակոբյանը նշեց նաև, որ այս մրցումներից հետո  պատրաստվում են հուլիսի 2-ին կայանալիք մրցաշարին, որը կոչվում է K1 Երևանի բաց առաջնություն։