Երկու մեդալ` աշխարհի գավաթի խաղարկությունում

Փետրվարի 12-13-ը Հունգարիայի մայրաքաղաք Բուդապեշտում անցկացվեց ձյուդոյի աշխարհի գավաթի խաղարկության հերթական փուլը: Մրցաշարին մասնակցեցին Հայաստանի վեց պատվիրակներ: Նրանցից երկուսին հաջողվեց մրցանակակիր դառնալ:

Հովհաննես Դավթյանը /60կգ / տոնեց 4 հաղթանակ, սակայն եզրափակիչում տանուլ տվեց մարտը ճապոնացի Յամամոտո Հիրոֆումին և գրավեց երկրորդ տեղը: Արմեն Նազարյանը / 66կգ /, իր հաշվին գրանցելով 3 հաղթանակ և 1 պարտություն, գրավեց երրորդ մրցանակային տեղը:

Հայաստանի հավաքականի մյուս ներկայացուցիչները անհաջողության մատնվեցին և դուրս մնացին մեդալների համար պայքարից:

Փետրվարի 17-ին թիմը նույն կազմով կմեկնի Գերմանիայի Դյուսելդորֆ քաղաք` Գրան պրիի խաղարկությանը: Մրցումները նշանակված են փետրվարի 19-20-ը: