Մերկելն ակնարկել է Թուրքիայի ռազմաբազայից գերմանական զորակազմի դուրսբերման մասին

Գերմանիան  այլընտրանքային տարբերակ է փնտրում Թուրքիայում «Ինջիրլիք» ռազմաբազայից գերմանական զինվորական անձնակազմը տեղափոխելու  համար. տեղեկացնում է Ermenihaber-ը:

Ըստ թուրքական «Haberler» լրատվամիջոցի` այդ մասին հայտարարել է Գերմանիայի կանցլեր ԱՆգելա Մերկելը Ֆրանսիայի նորընտիր նախագահ Էմանուել Մակրոնի հետ հանդիպումից հետո:

Միջանկյալ նշենք, որ թուրքական մամուլում  լուրեր են շրջանառվում այն մասին, որ Թուրքիան հերթական անգամ արգելել է գերմանացի պատգամավորներին մեկնել Ադանա քաղաքում գտնվող ռազմաբազան: Գերմանիայի կառավարության խոսնակ Շտեֆան Շեյբերթը նշյալ քայլը որակել է որպես անընդունելի: Իսկ Գերմանիայի արտգործնախարար Զիգմար Գաբրիելը տեղեկացրել է, որ հարցը քննարկվելու է ՆԱՏՕ-ի անդամ երկրների հետ:

«Գերմանական ստորաբաժանումների համար քննարկում ենք այլընտրանքային տարբերակ: Հնարավոր է, որ դա կլինի Հորդանանը»,- նշել է Մերկելը:

Թուրքական աղբյուրը նաև նշում է, որ ըստ «Spiegel Online» կայքի՝ բացի Հորդանանից,  գերմանական ստորաբաժանումների համար այլըտրանքային տարբերակ կարող են լինել նաև Քուվեյթը և Կիպրոսը: