Հուսով ենք՝ քաղաքացիները կհաղթահարեն ընտրակաշառքային հուսահատությունը. Փաշինյան

Այսօր Երևանի ընտրատեղամասերից մեկում իր քվեարկությունը կատարեց Երևանի ավագանու ընտրություններում քաղաքապետի թեկնածու, «Ելք» դաշինքի ցուցակը գլխավորող Նիկոլ Փաշինյանը:

«Հուսով ենք՝ քաղաքացիները կհաղթահարեն ընտրակաշառքային հուսահատությունը»,- լրագրողների հետ զրույցում ասաց Փաշինյանը: Նա նաև հավելեց, որ կընդունեն ընտրությունների արդյունքները այն դեպքում, եթե ականատես չլինեն լցոնման, ընտրողների ազատ կամքի նկատմամբ բռնության դեպքերի:

«Եթե ընտրողը իր ննջարանում կամ բաղնիքում ստացել է ընտրակաշառք, գումար և գնացել քվեարկել է, ուրեմն նա կատարել է իր ընտրությունը»,- ասաց նա` հավելելով, որ իրենց տրված ձայները չեն կորելու:

Ըստ Փաշինյանի, դատավորը պետք է լինի հանրությունը, և ընտրախախտումների հետ կապված դատողություններ պետք է անի հանրությունը: