ԵՏՄ երկրները կհաղթահարեն տնտեսական դժվարությունները. Պուտին

ՌԴ նախագահ Վլադիմիր Պուտինը հավատում է, որ համատեղ ջանքերի շնորհիվ ԵՏՄ երկրները կկարողանան հաղթահարել այսօրվա դրությամբ առաջացած տնտեսական դժվարությունները: Այդ մասին Պուտինը հայտարարել է Ղազախստանի նախագահ Նուրսուլթան Նազարբաևի հետ հանդիպման ժամանակ. հայտնում է Интерфакс-ը:

«Մենք համաշխարհային տնտեսությունում իսկապես բարդ իրավիճակ ունենք՝ կապված շուկաներում տիրող իրավիճակի հետ: Բայց ես վստահ եմ, որ ողջ հետխորհրդային տարածքում, այդ թվում` նաև ձեր ուղղակի մասնակցությամբ ստեղծված տնտեսության, սոցիալական ոլորտի գործելու հիմքերը, անկասկած, կօգնեն, որ մենք հաղթահարենք այդ դժվարությունները»,- հայտարարել է նա:

Հիշեցնենք, որ Աստանայում մեկնարկել է Պուտին-Նազարբաև- Լուկաշենկո հանդիպումը: