Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Նորմալ է անցել ամբողջ նախընտրական փուլը, որևիցե խնդիր չի եղել, իմ անվան հետ կապված հետաքրությունն էլ նրանից է, որ լրագրողներից չեմ խորշում: Այս մասին լրագրողներին ասաց ՀՀԿ-ի ցուցակով պատգամավոր ընտրված, նախկին ոստիկանապետ Ալիկ Սարգսյանը, ով եկել էր կառավարության ընդունելությունների տուն՝ ստանալու իր պատգամավորական մանդատը:
«Ես բոլորի հարցերին նորմալ պատասխանում եմ, երբեք խոսափողից, տեսախցիկից չեմ խուսափում, բոլորի զանգերին պատասխանում, և եթե մի հարց է լինում ճշտելու, բնականաբար, ինձ են զանգում, ես էլ պատասխանում եմ»,- ասաց Սարգսյանը, ապա կարծիք հայտնեց, որ իր՝ ոստիկանության համակարգում աշխատած տարիների փորձը խորհրդարանական աշխատանքում օգտակար կլինի: «Թիմային աշխատանքում եմ ինձ պատկերացնում, հիմա էլ թիմային աշխատանքի մեջ եմ, բայց ամեն դեպքում, անհատականությունս ու դեմքս կորցնել չեմ պատրաստվում»,- ասաց նա: