Դեղձուտցիները պատրաստվում են շրջափակել Ալիկ Սարգսյանի տունը և նրանից բացատրություն պահանջել

Արարատի մարզի Դեղձուտ համայնքի բնակիչներն առավոտյան ժամը 9-ից շրջափակել են գյուղապետարանի շենքը, փակ է նաև դպրոցը: Հայտարարել են դասադուլ և գործադուլ:

Այս պահին բնակիչները փակել են Դեղձուտ, Գետազատ, Մրգանուշ, Վարդաշեն գյուղերն իրար կապող խաչմերուկը: Նրանք Yerkir.am-ին հայտնեցին, որ պատրաստվում են ժամը 13:00-ին շարժվել Կանաչուտ գյուղ, որտեղ բնակվում է  ՀՀԿ-ական պատգամավոր Ալիկ Սարգսյանը: «Շրջափակելու ենք Ալիկ Սարգսյանի տունը, նրանից պահանջելու ենք բացատրություն,  թե ինչու նա իր ձայնը չի տալիս ժողովրդի թեկնածուին»,- ասացին բնակիչները:

Դեղձուտի բնակիչները կոչ են անում հարակից համայնքների բնակիչներին` միանալ իրենց: