Լիբանանում Զահլեի ՀՅԴ «Արամ» կոմիտեն ոգեկոչել է Հայոց ցեղասպանության 102-րդ տարելիցը

Աղբյուրը՝ «Ազդակ»

Կազմակերպութեամբ ՀՅԴ «Արամ» կոմիտէին, երէկ երեկոյեան ժամը 5:30-ին, Զահլէի «Քատիրի» պանդոկին մէջ տեղի ունեցաւ Հայոց ցեղասպանութեան 102-ամեակի ոգեկոչում:

Ձեռնարկին ներկայ էին ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի, երեսփոխաններ Էմիլ Ռահմէ եւ Էլի Մարունի, արդարութեան նախարար Սելիմ Ժրայսաթիի ներկայացուցիչ` նախկին նախարար Կապի Լայեուն, զբօսաշրջութեան նախարար Աւետիս Կիտանեանի ներկայացուցիչ` Աշոտ Բագրատունի, նախկին նախարար Խալիլ Հըրաուի, նախկին երեսփոխաններ Սելիմ Աուն եւ Հասան Եաագուպ, Ժողովրդային պլոքի նախագահ Միրիամ Սքաֆ, քաղաքական ուժերու ներկայացուցիչներ, Լիբանանի հայոց թեմի առաջնորդ Շահէ եպս. Փանոսեան, մարոնի համայնքի առաջնորդ Ժոզեֆ եպս. Մուաուատ, յոյն ուղղափառ համայնքի առաջնորդ Անթոնիոս Սուրի, յոյն կաթողիկէ համայնքի առաջնորդ Իսամ արք. Տարուիշի ներկայացուցիչ` Նիքոլա արք. Հաքիմ, դատախազ Սինթիա Գասարճի, Զահլէի ազգայիններէն Ժորժ Փուչիկեան, Զահլէի քաղաքապետ Ասաատ Զուղէյպ, Այնճարի քաղաքապետ Վարդգէս Խօշեան, Պեքաայի քաղաքապետարաններու համադաշնակցութեան նախագահ Մոհամետ Պասըթ, տնտեսական, ընկերային, մշակութային, մարզական միութիւններու ներկայացուցիչներ եւ ժողովուրդի հոծ բազմութիւն մը:

Լիբանանի եւ Հայաստանի քայլերգներու յոտնկայս ունկնդրութենէն ետք ՀՅԴ «Արամ» կոմիտէին անունով խօսք առաւ Խաժակ Բալուլեան, որ յայտնեց, թէ Պեքաայի եւ յատկապէս Զահլէի համար տարօրինակ երեւոյթ չէ մասնակից դառնալ իրաւացի դատ մը ներկայացնող ոգեկոչման ձեռնարկի մը:

Ան նշեց, որ 1915-ին հայոց դէմ գործուած Ցեղասպանութիւնը 20-րդ դարու սկիզբը վերածած է մահուան ու ամօթի` արձանագրելով այնպիսի բարբարոսութիւններ ու վայրագութիւններ, որոնք անկարելի է մարդկային միտքով հասկնալ:

Խ. Բալուլեան անդրադարձաւ Ցեղասպանութեան տարբեր հանգրուաններուն, տեղահանութեան, վերապրումին, սփիւռքի կազմաւորման, հայկական իր ինքնութեան եւ աւանդութիւններուն պահպանումին:

«Իբրեւ լիբանանահայեր` մենք հպարտ ենք մեր լիբանանեան եւ հայկական ինքնութեամբ: Լիբանանը եւ Հայաստանը մեզի համար կը ներկայացնեն հոգին եւ մարմինը, որոնք անկարելի է իրարմէ անջատել», ըսաւ ան` աւելցնելով, որ հայ ժողովուրդը պիտի պայքարի ի խնդիր Հայ դատի լուծման եւ Թուրքիոյ կողմէ Հայոց ցեղասպանութեան ճանաչման:

Մանրամասները՝ սկզբնաղբյուրում: