ՀՅԴ Լիբանանի «Քեռի» կոմիտեն Հայոց ցեղասպանության 102-րդ տարելիցի ոգեկոչման միջոցառում է կազմակերպել

Աղբյուրը՝ «Ազդակ»

ՀՅԴ «Քեռի» կոմիտէութեան կազմակերպութեամբ, շաբաթ գիշեր ժամը 8:00-ին, Ժիպէյլի հռոմէական գլխաւոր հրապարակին վրայ տեղի ունեցաւ յիշատակի ձեռնարկ` նուիրուած Հայոց ցեղասպանութեան 102-ամեակին:

Ոգեկոչման ձեռնարկը սկսաւ ՀՅԴ Ժիպէյլի ակումբէն սկիզբ առած քայլարշաւով մը, որ կազմակերպուած էր ՀՅԴ ԼԵՄ-ի «Արարատ» կորիզին կողմէ: Հսկայ Եռագոյնը, ջահերը, ինչպէս նաեւ Ցեղասպանութիւնն ու Թուրքիան դատապարտող, հատուցում պահանջող եւ պահանջատէրի ուխտը վերանորոգող գրութեամբ ցուցանակները կրող ՀՅԴ «Ա. Ջամալեան» պատանեկան միութեան անդամներն ու ձեռնարկին իրենց մասնակցութիւնը բերող ներկաները հետեւեցան ՀՄԸՄ-ի շեփորախումբին առաջնորդած երթին:

Քայլարշաւը սկսաւ ակումբէն եւ կանգ առաւ «Թռչնոց բոյն»-ի շրջափակին մէջ, ուր ՀՅԴ ԼԵՄ-ի «Արարատ» կորիզի անդամներ ծաղկեպսակ մը զետեղեցին Ցեղասպանութենէն ճողոպրած հայ որբերը փրկած Մարիա Ճէյքըպսընի դամբարանին, ապա քայլարշաւը դարձեալ ընթացք առաւ դէպի հրապարակ, ուր ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի  ծաղկեպսակ մը զետեղեց Հայոց ցեղասպանութեան զոհերուն նուիրուած յուշարձանին:

Ապա երթին մասնակցողները ուղղուեցան հրապարակ` ներկայ գտնուելու համար Ցեղասպանութեան ոգեկոչման յատուկ ձեռնարկին, որուն բեմը զարդարուած էր Ծիծեռնակաբերդի յուշարձանի մանրակերտով:

Մանրամասները՝ սկզբնաղբյուրում: