Քաղաքի կենտրոնում դեկորատիվ ծաղիկներ տնկելը բարելավում չէ. Զարուհի Փոստանջյանը՝ Տարոն Մարգարյանին

«Երկիր ծիրանի» կուսակցության հիմնադիր Զարուհի Փոստանջյանն այսօր «Էրեբունի» թանգարանի մոտ տեղի ունեցած ասուլիսի ժամանակ անդրադարձավ Երևանի քաղաքապետ Տարոն Մարգարյանի գործունեությանը: Նրա կարծիքով` Տարոն Մարգարյանի` քաղաքապետ եղած ժամանակ Երևանում բարելավում չի եղել:

«Քաղաքի կենտրոնում դեկորատիվ ծաղիկներ տնկելը բարելավում չէ, մանկապարտեզներն անվճար դարձնելը ևս բարելավում  չէ` մանավանդ  հաշվի առնելով այն հերթերը, որ առաջանում են մանկապարտեզ ընդունելիս»,- հայտարարեց Փոստանջյանը:

Նա նշեց, որ ավելի լավ Երևան ունենալու համար նախ չպետք է գողանալ Երևանից: Այնուհետև հայտարարեց, որ Մարգարյանի պաշտոնավարման ընթացքում Վերահսկիչ պալատը հաշվետվություն է ներկայացրել Երևանից գողության մասին: «Եթե մենք սիրում ենք Երևանը, Երևանին պետք է տանք, այլ ոչ թե վերցնենք Երևանից»,- ասաց Փոստանջյանը: