Դեկորատիվ լողավազանները դիզայնի համար են նախատեսված, ոչ թե լողալու

Դեկորատիվ լողավազանները դիզայնի համար են նախատեսված, ոչ թե լողալու: «Պետք է խուսափել քաղաքի տարբեր այգիներում առկա դեկորատիվ լողավազաններում լողալուց, դրանցում շեշտը դրված է դիզայնի և տարածքում մի քիչ հով եղանակ ապահովելու համար»,- այսօր լրագրողների հետ զրույցում ասաց ՀՀ ԱՆ հիվանդությունների վերահսկման և կանխարգելման ազգային կենտրոնի շրջակա միջավայրի հիգիենայի բաժնի պետ Աիդա Պետիկյանը:

Ըստ նրա` դեկորատիվ լողավազաններում ջուրը չեն զտում, իսկ երեկոյան ժամերին շատերն այնտեղ իրենց տնային կենդանիներին են լողացնում:

«Լողավազաններում երեխաների մաշկը շփվում է ջրի հետ, բացի այդ` նրանք կուլ են տալիս այդ ջուրը, որտեղ հազար ու մի մանրէներ կան: Պետք է խուսափել նաև լողալ գետերի այն հատվածներում, որտեղ սննդի օբյեկտներ կան, քանի որ ողջ աղբը նետում են ջուրը»,-ասաց մասնագետը: