Զարուհի Փոստանջյանը պատրաստ է պատերազմել եղբոր համար

ՀՀ գլխավոր դատախազությունը խախտել է անմեղության կանխավարկածը, քանի որ առանց մեղադրվող կողմին հարցաքննելու հայտարարել է, որ Տիգրան Փոստանջյանը կատարել է հանցագործություն, եւ որ դատախազությունը փաստը համարում է հաստատված. այսօր լրագրողների հետ հանդիպման ժամանակ  ասաց փաստաբան Հայկ Ալումյանը:

ԱԺ «Ժառանգություն» խմբակցության պատգամավոր Զարուհի Փոստանջյանը հայտարարեց` սա պատվեր է, որ գալիս է ամենաբարձր ատյաններից, «բայց մենք պատրաստ ենք պատերազմել»:

«Ժառանգություն» խմբակցության քարտուղար Լարիսա Ալավերդյանն էլ նշեց, որ դա ցուցադրում է իշխանության անօգնականությունը: Նա կարեւորեց, որ հասարակությունն իրենց կողքին է:

Հիշեցնենք, որ օրեր առաջ ՀՀ գլխավոր դատախազությունը Զարուհի Փոստանջյանի եղբոր` Տիգրան Փոստանջյանի դեմ քրեական գործ էր հարուցել «պաշտոնատար անձ չհանդիսացող հանրային ծառայողի կողմից ապօրինի վարձատրություն ստանալու դեպքի առթիվ»:

Տիգրան Փոստանջյանը դեպքը կապել էր քրոջ քաղաքական ակտիվ գործունեության հետ: