Բռնցքամարտ. Սոֆիայում այսօր ռինգ դուրս կգա Հայաստանի 5 ներկայացուցիչ

Բուլղարիայի մայրաքաղաք Սոֆիայում այսօր կմեկնարկի բռնցքամարտի Ստրանջայի միջազգային մրցաշարը: Այսօր ռինգ դուրս կգա Հայաստանի 5 ներկայացուցիչ: 64 կգ քաշային Հովհաննես Բաչկովը 1/16 փուլում մրցելու է Թայբեյը ներկայացնող Պան Հունգ-Մինի հետ: Այսօր ռինգ դուրս եկող մեր մյուս 4 բռնցքամարտիկները պայքարը սկսելու են 1/8 փուլից:

75 կգ քաշային Արման Դարչինյանը մրցելու է անգլիացի մարզիկի հետ: Մյուս 3 բռնցքամարտիկներին` 81 կգ քաշային Արսեն Հայրապետյանին, 56 կգ քաշային Վահե Բադալյանին և 91 կգ քաշային Հենրիխ Սարգսյանին բաժին են հասել Ուկրաինայի ներկայացուցիչներ:

Հիշեցնենք, որ Հայաստանը մրցաշարին մասնակցում է 9 բռնցքամարտիկով:

ՀԲՖ մամուլի ծառայություն