Հայ դատը Թրամփի կողմից Հայոց ցեղասպանության ճանաչմանն ուղղված ստորագրահավաք է սկսել. քրդամետ կայքի անդրադարձը

Թուրքիայում քրդամետ Demokrathaber կայքն անդրադարձել է ԱՄՆ Հայ դատի սկսած ստորագրահավաքին, որն ուղղված է ԱՄՆ նախագահ Դոնալդ Թրամփի կողմից Հայոց ցեղասպանության ճանաչմանը:

Կայքը հիշեցրել է նաև ԱՄՆ Հայ դատի գրասենյակի գործադիր տնօրեն Արամ Համբարյանի կոչը ստորագրահավաքին ակտիվ մասնակցելու և ուրիշներին նույնպես մասնակցության կոչ անելու վերաբերյալ:

Ընդդիմադիր Demokrathaber-ը նաև հիշեցրել է Բարաք Օբամայի ապրիլքսանչորսյան ելույթը, որում նա արտասանել էր «Մեծ եղեռն» բառը:

«Թեև դեռևս 2008 թվականին նախընտրական քարոզարշավի շրջանակներում նա խոստացել էր ճանաչել Հայոց ցեղասպանությունը, սակայն դրան հաջորդող տարիներին` ապրիլքսանչորսյան իր ելույթներում նա օգտագործել էր «Մեծ եղեռն» արտահայտությունը»,-գրել է կայքը: