Ցեղասպանության համար ներողություն խնդրած քուրդ պատգամավորն ազատ է արձակվել

Թուրքիայում հունվարի 25–ի առավոտյան ձերբակալված քուրդ պատգամավոր Օսման Բայդեմիրն ազատ է արձակվել։

Թուրքական Cumhuriyet պարբերականի փոխանցմամբ՝ Օսման Բայդեմիրը ներկայացել էր Դիարբեքիրի դատարան KCK–ի (Քուրդիստանի համայնքների միություն) գործով դատավարությանը, որի ժամանակ էլ ձերբակալվել էր։

Ավելի ուշ նրան եւ եւս մի քանի ձերբակալված քուրդ պատգամավորների ազատ են արձակել։

Նշենք, որ Դիարբեքիրի քաղաքապետ եղած տարիներին Օսման Բայդեմիրի աջակցությամբ վերանորոգվել է հայկական Սուրբ Կիրակոս եկեղեցին, Դիարբեքիրի մուտքի մոտ տեղադրվել հայերենով «Բարով եկաք Դիարբեքիր» ցուցանակը։ Օսման Բայդեմիրը Հայոց ցեղասպանության համար ներողություն է խնդրել հայերից եւ այցելել Երեւանում Ցեղասպանության հուշահամալիր։