Ադրբեջանում օգնություն խնդրած վետերանին առաջարկել են ինքնահրկիզվել

Ադրբեջանական minval.az կայքը ռեպորտաժ է պատրաստել Ղարաբաղյան պատերազմի վետերանի մասին, որին պետությունը մոռացել է:

Մեկ ոտքի կեսը կորցրած անօգնական տղամարդն ապրում է խրճիթում: Նա Սալյանի շրջանի Յոլյուսյու գյուղից է:

Վետերանը բուժման կարիք ունի, խնդիրներ` երիկամների հետ: Դյունյամալիև Վելին որևէ օգնություն չի ստանում և չի կարողանում անհրաժեշտ դեղորայք գնել: Ավելին` երբ նա դիմել է օգության համար, տեղական կառավարման մարմնի ղեկավարը վիրավորել է նրան և առաջարկել ինքնահրկիզվել նախագահականի առջև:

«Նա ասաց դա` նայելով աչքերիս մեջ: Մի՞թե ես այդ վերաբերմունքին եմ արժանի: Հայրենիքի համար ես կորցրել եմ առողջությունս: Թող գոնե դա հաշվի առնեն»,- պատմել է վետերանը: