«Կներեք, բայց մարդիկ փափախով քուրդ չեն»․ Ավինյանը վիրավորում է քուրդ ժողովրդին

Երևանի քաղաքապետարանի ավագանու այսօրվա նիստի ժամանակ Տիգրան Ավինյանը հերթական մտքի փայլատակումն է թույլ տվել՝  ետ չմնալով իր հոր՝ Արմեն Ավինյանի վերջերս արած աղմկահարույց արտահայտությունից։ Մարդկանց վիրավորելու աստիճան  որակումներ տալն ասես Տիգրան Ավինյանի դեպքում օրինաչափ է դարձել։ Հասարակությունը դեռ չի հասցրել մարսել Ավինյանի հոր  արած՝  «գեղի «Opel»-ներով համբալներ» արտահայտությունը, մեկ էլ հանկարծ Տիգրան Ավինյանը դաշտ է ներտում հերթական՝ « կներեք, բայց մարդիկ փափախով քուրդ չեն» արտահայտությունը։
 

Ստացվում է, քաղաքապետի ընտանիքի թիրախում այս անգամ էլ՝ մեր կողքին ապրող քուրդ ժողովուրդն է , որոնց մասին խոսելիս, չգիտես ինչու,Ավինյանը  հարկ է համարում ներողություն խնդրել, և արդյունքում հասկացվում է, որ «փափախով քուրդ» ասվածը համարվում է կա՛մ վիրավորանք, կամ՝ ծաղրանք։ 
 

Երևանի քաղաքապետի աթոռին գտնվողն ուղղակի չի պատկերացնում, որ ամեն մի խոսքը պետք է չափված և կշռված լինի, և որ այն կարող է սկանդալի առիթ հանդիսանալ։