Քուվեյթում թագավորական ընտանիքի անդամի են մահապատժի ենթարկել

Քուվեյթում 7 մահապատիժ է ի կատար ածվել, այդ թվում` թագավորական ընտանիքի անդամի` արքայազն Ֆայսալ Աբդուլլա ալ Ջաբեր ալ Սաբահի, ով մեղադրվում էր սպանության և ապօրինաբար զենք պահելու մեջ. տեղեկացնում է «Ինտեֆաքսը»` Քուվեյթի KUNA պետական  լրատվական գործակալությանը հղումով: Մահապարտներին կախաղան են բարձրացրել:

Ըստ գործակալության` մահապատժի ենթարկվածների թվում են Քուվեյթի, Բանգլադեշի, Ֆիլիպինների, Եթովպիայի և Եգիպտոսի քաղաքացիներ: Այսպես` Քուվեյթի քաղաքացի մի կնոջ դատապարտել են մահապատժի հարսանիքի ժամանակ ավելի քան 40 կնոջ ու երեխայի սպանության համար. նրա ամուսինը որոշել էր երկրորդ կինն ունենալ: