կարևոր
2602 դիտում, 6 ամիս առաջ - 2023-10-09 22:55
Աշխարհ Քաղաքական

ՀԱՄԱՍ-ը սպառնացել է մահապատժի ենթարկել պատանդներին՝ ի պատասխան Գազայի վրա հարձակումների

ՀԱՄԱՍ-ը սպառնացել է մահապատժի ենթարկել պատանդներին՝ ի պատասխան Գազայի վրա հարձակումների

ՀԱՄԱՍ շարժումը սպառնացել է մահապատժի ենթարկել իսրայելցի պատանդներին, եթե իսրայելական բանակն առանց նախազգուշացման հարվածներ հասցնի Գազայում, գրում է The Times of Israel-ը։

«Այս ժամից սկսած առանց նախազգուշացման մեր ժողովրդի վրա, ովքեր ապահով են իրենց տներում, ցանկացած հարձակում, կդիմավորվի քաղաքացիական պատանդների մահապատժով, որը կհեռարձակվի տեսա և ձայնագրությամբ», - մեջբերում է թերթը շարժման ներկայացուցչի հայտարարությունը:

Իսրայելական զինվորականները որոշում են կայացրել հարվածներ հասցնել Գազայի հատվածին նույնիսկ այն դեպքերում, երբ դա պոտենցիալ վտանգ կստեղծի այնտեղ պահվող պատանդների համար, գրում է The Times of Israel-ը՝ վկայակոչելով Իսրայելի բարձրաստիճան աղբյուրները։ «Իսրայելի կառավարության բարձրաստիճան պաշտոնյան լրագրողներին ասել է, որ իշխանությունները որոշել են ուժեղ հարվածներ հասցնել Գազայում ահաբեկիչներին, նույնիսկ եթե դա վտանգ ներկայացնի այնտեղ պահվող իսրայելցիների համար»,- գրում է թերթը։

Միաժամանակ պարբերականը նշում է, որ այն դեպքերում, երբ ստուգված տեղեկություն է ստացվում, որ Գազայի կոնկրետ շենքում պատանդներ կան, ապա նման դեպքերում Իսրայելի ռազմական հարվածները չեն իրականացվի։