Նախարարը աճ է ակնկալում արտահանման ու ներդրումների ոլորտում

Այսօր լրագրողների հետ զրույցում տնտեսական զարգացման և ներդրումների նախարար Սուրեն Կարայանը ներկայացրեց տնտեսության ոլորտի` 2017-ի կանխատեսումները:

Ըստ նախարարի` արտահանման աճի տեմպերը կպահպանվեն, աճ է կանխատեսվում ներդրումների մասով, քանի որ վերջին չորս ամիսներին ինտենսիվ աշխատանքներ են իրականացվել ներդրումային դաշտը նախապատրաստելու ուղղությամբ:

«Ակնկալում ենք, որ 2017-ին տնտեսական աճ կունենանք, այդ թվում` նաև արդյունաբերության ու գյուղատնտեսության մասով»,- ասաց Սուրեն Կարայանը:

Հարցին, թե երբ վարչապետը նշանակվեց, հայտարարեց, որ տնտեսության վիճակը շատ ծանր է, ի՞նչ է փոխվել վերջին ամիսների ընթացքում, Սուրեն Կարայանը պատասխանեց. «Վերանայեցինք տնտեսության զարգացման մոդելը։ Ելնելով փոքր տնտեսության առանձնահատկություններից՝ մենք շեշտը դնում ենք, որ տնտեսությունը զարգանա ի հաշիվ արտահանման՝ առաջարկի հիման վրա»: