Չեմ փորձում էկոնոմ դասով թռչել, որ դուր գամ հասարակությանը. Վարդան Հարությունյան

Արդեն հայտնել ենք, որ այսօր ՊԵԿ նախագահ Վարդան Հարությունյանը լրագրողների հետ հանդիպման ժամանակ ամփոփեց տարին: Ասուլիսից հետո պատասխանելով լրագրողների հարցերին՝ նա անդրադարձավ նաև իր՝ բիզնես դասի ավիատոմսերով երթևեկելուն: Հարությունյանն ասաց, որ արդեն ծիծաղելի է համարում այդ թեմային անդրադառնալը, սակայն շեշտեց՝ նոր չէ, որ բիզնես դասի ավիատոմսերով է թռչում կամ թռչելու է:

«Պատրաստ եմ եղել ընդհանրապես բյուջեի հաշվին չթռնել, ուղղակի գործառույթները թույլ չեն տվել, ձևակերպվել է էկոնոմ դասի տոմս, տարբերությունն էլ ես եմ վճարել: Այստեղ գալով՝ ես չեմ փորձում Հռոմի պապից ավելի կաթոլիկ երևալ և էկոնոմ դասով թռնել, որ դուր գամ հասարակությանը: Բիզնես դասով եմ թռնելու և թռնելու եմ իմ հաշվին, եթե պետության ընթացակարգերը թույլ տան: Հեծանվով ման չեմ գալու, ձիով  ման չեմ գալու»,- ասաց ՊԵԿ նախագահը: