Տոնավաճառում անվճար տեղեր կհատկացվեն ճամբարակցիներին` ռոքֆոր պանիրն իրացնելու համար

Այսօր գյուղատնտեսության փոխնախարար Ռոբերտ Մակարյանը լրագրողների հետ զրույցում անդրադարձաց արտահանման ծավալներին: Նա նշեց, որ 2016-ին արտահանվել է 143 հազար տոննա թարմ պտուղ-բանջարեղեն, արտահանման ծավալները գերազանցում են նախորդ տարվա ցուցանիշները: Արտահանման հիմնական ծավալը բաժին է ընկնում Ռուսաստանին` շուրջ 85 տոկոս:

Նախարարն անդրադարձավ նաև տոնավաճառներին` ասելով, որ երկու տոնավաճառ է գործարկվելու, մեկը` Կասյանի տոնավաճառը` հունիսին, մյուսը` հուլիսին, Մաշտոցի պողոտայում: Փոխնախարարի խոսքով` տոնավաճառներին մասնակցում են 13700 գյուղացիական  տնտեսություններ: Իսկ դեկտեմբերի 24-ից 30-ը ամենօրյա ռեժիմով գործելու է 2  նախատոնական տոնավաճառ:

Փոխնախարարը նաև հավելեց, որ Ճամբարակում գյուղացիները ռոքֆոր տեսակի պանրի իրացման հետ կապված խնդիրներ ունեն, և նրանց անվճար հիմունքներով առաջարկվել են տեղեր տոնավաճառում` այդ պանիրն իրացնելու համար: