Պուտինն ու Էրդողանը խոսել են Հալեպի մասին

Երեկ Թուրքիայի նախագահ Ռեջեփ Թայիփ Էրդողանը տեղեկացրել էր, որ երեկոյան հեռախոսազրույց կունենա ՌԴ նախագահ Վլադիմիր Պուտինի հետ:

Ըստ Demokrathaber-ի՝ կայացած հեռախոսազրույցի ընթացքում նախագահները խոսել են Հալեպում ընթացող զարգացումների մասին:

Կրեմլի խոսնակ Պեսկովը հաստատել է, որ հեռախոսազրույց է տեղի ունեցել՝ նշելով, որ Պուտինն ու Էրդողանը նաև քննարկել են Հալեպում հաստատված մասնակի հրադադարն ու մարդասիրական միջանցքի հարցը:  

Ըստ աղբյուրի՝ Էրդողանը պատրաստակամություն է հայտնել ամեն միջոց ձեռնարկել անվտանգ միջանցքների բացումից հետո Թուրքիայում ժամանակավոր ապաստան տալու և հումանիտար օգնություն ցուցաբերելու հարցում:

Բացի Հալեպից, նախագահները քննարկել են նաև երկու երկրների միջև հարաբերությունների բարելավմանն ուղղված մի շարք հարցեր: