Պուտինն ու Էրդողանը անդրադարձել են Թրամփի` միջուկային գործարքի մասին որոշմանը

ԱՄՆ նախագահ Դոնալդ Թրամփը օրեր առաջ հայտարարել էր, որ երկիրը դուրս է գալիս Իրանի միջուկային ծրագրի վերաբերյալ համաձայնագրից:

ՌԴ նախագահ Վլադիմիր Պուտինն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել Իրանի միջուկային ծրագրի վերաբերյալ զարգացող իրադարձությունների մասին։

Ըստ Sputniknews-ի` կողմերը նշել են, որ ԱՄՆ-ի դիրքորոշումը սխալ է եղել` ընդգծելով «միջնորդ վեցյակի» ու Իրանի միջև կնքված համաձայնագրի կարևորությունը միջազգային անվտանգության տեսանկյունից:

Բացի այդ` կողմերը պայմանավորվել են կապի մեջ մնալ հետագա զարգացումների ու հետագայում այդ ուղղությամբ ձեռնարկվելիք քայլերի քննարկման համար։

Պուտինն ու Էրդողանը նաև մտահոգություն են հայտնել Սիրիայի հարցով վերջերս ստեղծված լարվածության վերաբերյալ: