Ուզում եմ փողի մասին խոսել, բաց խոսել. Յուրի Վարդանյան

Ազգային ժողովի գիտության, կրթության, մշակույթի եւ երիտասարդության հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում ՀՀ սպորտի և երիտասարդության նախարար Յուրի Վարդանյանը հայտարարեց, որ ինքն ուզում է բաց խոսել:

«Ես ուզում եմ փողի մասին խոսել, բաց խոսել: Երբ ես նոր ստանձնեցի իմ պաշտոնը, հանրապետության ղեկավարի հետ ունեցած իմ զրույցում ես ասել եմ, որ իմ համար գերխնդիրն այն է, որ մենք մեր երկրում ունենանք նյութատեխնիկական բազաներ և ունենանք դրանց պատշաճ իրավիճակ: Բայց այսօր անմխիթար վիճակում են գտվում մեր մարզաբազաները»,- ասաց նախարարը:

Խոսքի ավարտին նա խնդրեց Ազգային ժողովից, որ իրեն որևէ մեկին կցեն`  ուղեկցելու համար, որ խույս տա լրագրողներից: «Էս լրագրողները հարցեր են տալիս` ելնելով իմ շուրջբոլորը ընթացող խոսակցություններից: Ես ասեմ, որ ոչ մի խնդիր չունի ո'չ տղաս, ո'չ էլ ես: Ու էդ հարցերով խնդրում եմ ինձ էլ չդիմեք»,- հորդորեց նախարարը:

Լրագրողների դիտարկմանը, որ իր որդին զբաղվել է թմրամիջոցների ապօրինի ներկրմամբ, նա պատասխանեց. «Էդ ձեր կարծիքն է, որ զբաղվում է»: