Շենգավիթում երիտասարդ կնոջ են սպանել

Այսօր` ժամը 14:20-ի սահմաններում, շտապօգնության կայանից ոստիկանություն ահազանգ է ստացվել, որ Շենգավիթ վարչական շրջանում գտնվող Մանանդյան փողոցի թիվ 22 շենքի բակի սեփական տանը հայտնաբերվել է կնոջ դի: Այս մասին Yerkir.am-ին հայտնեցին ոստիկանությունից:

Shamshyan.com-ի տեղեկություններով՝ ոստիկաններն ու քննիչները նշված տան ննջասենյակում` մահճակալի վրա, հայտնաբերել են նշված տանը վարձակալական հիմունքներով բնակվող` 37-ամյա Ալինա Մաղաքյանի դին։

Դատաբժշկի նախնական եզրակացության համաձայն՝ մարմնի վրա կան սուր կտրող-ծակող առարկայի հարվածի հետքեր։ Տեղեկություններ կան, որ արդեն հայտնի է հիմնական կասկածյալի ինքնությունը, նրան որոնում են: