ՊԵԿ-ն իրականացնում է ՓՄՁ-ներին «ձեռք չտալու» մասին` վարչապետի հանձնարարականը

ՓՄՁ-ների մասով վարչապետի հանձնարարականը կատարվում է. այսօր լրագրողների հետ զրույցում ասաց ՊԵԿ փոխնախագահ Վախթանգ Միրումյանը` պատասխանելով հարցին` արդյո՞ք ՊԵԿ-ն իրականացնում է Կարեն Կարապետյանի հանձնարարականը` հնարավորինս «ձեռք չտալ» ՓՄՁ-ներին:

Նրա խոսքով` ՓՄՁ-ների մասով ՊԵԿ-ը հսկողական գործիքակազմ չի կիրառում, որովհետև ՓՄՁ-ները, բյուջետային եկամուտների ապահովման տեսանկյունից, էական դերակատարություն չունեն: Նրանց մասնակցությունը եկամուտներին, 9 ամսվա բյուջեի կտրվածքով, 1,4 տոկոս  է կազմում:

Վախթանգ Միրումյանը պատասխանեց նաև ՊԵԿ-ում կադրային փոփոխությունների ու կրճատումների մասին հարցին` ասելով, որ շատ բնական է, որ նոր ղեկավարն իրականացնում է նոր նշանակումներ, իսկ նրանք, ովքեր չեն համապատասխանում անհրաժեշտ չափանիշներին, կրճատվում  են: