Վիրավորված զինվորն արդեն խոսում է և ուզում է վերադառնալ ծառայության

Հոկտեմբերի 7-ին Արցախում վիրավորված զինծառայող Հայկ Համբարձումյանը դեռևս գտնվում է վերակենդանացման բաժանմունքում: Այս մասին Yerkir.am-ին տեղեկացրեց զինվորի մորեղբայր Ռաֆիկ Զարոյանը: «Դեռևս վերակենդանացման բաժանմունքում է, բժիշկներն ասում են, որ վիճակը ծանր է, բայց կարևորը կայուն է: Խոսել կարողանում է, բայց՝ դժվարությամբ»,- ասաց մեր զրուցակիցը:

Ի դեպ, Ռաֆիկ Զարոյանն ասաց նաև, որ Հայկի ծառայության ավարտին մնացել է 2,5 ամիս: «Հազիվ է խոսում, բայց  անընդհատ ասում է, որ ուզում է վերադառնալ ծառայության, ընկերների մոտ, անընդհատ հարցնում է՝ նրանց  բան չի՞ պատահել»,- ասաց զինվորի մորեղբայրը:

Հիշեցնենք, որ Հայկ Համբարձումյանը սրտի շրջանում էր վիրավորում ստացել: