Չեմ կարող սպորտից հենց այնպես հեռանալ` տեսնելով, թե ինչպես դիմավորեցին ինձ. Միհրան Հարությունյան

Արդեն հայտնել ենք, որ Հայաստան են վերադարձել Ռիոյի օլիմպիական խաղերում մեդալ նվաճած հայ մարզիկները: Հայ երկրպագուները մեծ  ոգևորությամբ են դիմավորել օլիմպիական խաղերի արծաթե մեդալակիր Միհրան Հարությունյանին, ով մրցավարական բացահայտ կողմնակալության պատճառով զրկվեց ոսկե մեդալից:  

«Անչափ շնորհակալ եմ բոլորից: Ես իմ ժողովրդի կողմից մեծ սեր եմ զգում:  Չեմ կարող սպորտից հենց այնպես հեռանալ` տեսնելով, թե ինչպես են  դիմավորում ինձ»,- լրագրողների հետ զրույցում ասաց Միհրան Հարությունյանը: 

Հարյուրավոր երկրպագուներ օդանավակայանում վանկարկում էին Միհրան Հարությունյանի անունը: Օլիմպիական խաղերի փոխչեմպիոնը Հանրապետության հրապարակում ինքնագրեր բաժանեց երկրպագուներին և լուսանկարվեց նրանց հետ: