Ես հեռանում եմ սպորտից ճակատս բարձր. միջադեպ ծանրամարտի Հայաստանի առաջնության ընթացքում

Երևանի Օլիմպիական հերթափոխի մարզական քոլեջում անցկացվող ծանրամարտի տղամարդկանց Հայաստանի առաջնությունում այսօր 94 կգ քաշայինների պայքարում անսպասելի միջադեպ է տեղի ունեցել: Վերջին տարիներին Հայաստանի ուժեղագույն ծանրամարտիկներից Աղասի Աղասյանը, ով չէր մասնակցել Ռիոյի Օլիմպիական խաղերին, այսօր  իր վերջին մոտեցումից հետո հանել է մարզակոշիկներն ու թողել մրցահարթակի վրա, իսկ պարգևատրության արարողությանը չի ներկայացել:

Ֆեյսբուքյան իր էջում Աղասյանը լուսանկար է հրապարակել և գրառում կատարել.

«Ես հեռանում եմ սպորտից ճակատս բարձր, և թքած ունեմ այն մարդկանց վրա ովքեր իմ կոշիկներից էժան են»:

Հիշեցնենք, որ Աղասյանի փոխարեն Օլիմպիական խաղերին մասնակցել էր Առաքել Միրզոյանը: