Ինչ պայմաններում է մարզվել Օլիմպիական չեմպիոն Արթուր Ալեքսանյանը. ՏԵՍԱՆՅՈւԹ

Գյումրու քաղաքապետարանի հունահռոմեական ըմբշամարտի մարզադպրոցը կամ մենապայքարային մարզաձևերի նախկին մարզադպրոցը, որն արդեն ունի 27 տարվա պատմություն, շարունակում է մնալ անմխիթար վիճակում: Դեռևս 2 տարի առաջ` աշխարհի չեմպիոնի տիտղոսը նվաճելուց հետո, բազմաթիվ խոստումներ եղան, որ մարզադահլիճը կվերանորոգվի, սակայն դեռևս ոչինչ չի փոխվել, միայն ավելացել է մարզադահլիճ հաճախող երեխաների թիվը:

Վերանորոգման ծրագիրը վաղուց է հանձնվել սպորտի նախարարությանը: Նախորդ տարվա մարտից պետք է սկսվեին շինարարական աշխատանքները,  բայց այդպես էլ ոչինչ չի արվել: Yerkir.am-ը դեռևս նախորդ տարի անդրադարձել էր մարզադպրոցի անմխիթար վիճակին: