Ռիո-2016. պայքարի մեջ է մտնում աշխարհի չեմպիոն Արթուր Ալեքսանյանը

Ռիոյում ընթացող ամառային Օլիմպիական խաղերում այսօր պայքարի մեջ կմտնի Հայաստանի  5 ներկայացուցիչ` հունահռոմեական ոճի ըմբիշներ Արթուր Ալեքսանյանն ու Միհրան Հարությունյանը, ծանրորդներ Գոռ Մինասյանն ու Ռուբեն Ալեքսանյանը և աթլետ Ամալյա Շառոյանը: Հայաստանի հավաքականն այսօր ունի 4 մեդալ նվաճելու հնարավորություն: Մեդալ նվաճելու իրական հնարավորություն ունեն մեր ըմբիշներն ու ծանրորդները, դե իսկ Ամալյա Շառոյանը պետք է փորձի բարելավել անձնական ցուցանիշները:  

 98 կգ քաշային կարգում աշխարհի չեմպիոն Արթուր Ալեքսանյանն  առաջին գոտեմարտում կմրցի իտալացի մարզիկի հետ: 

66 կգ քաշային կարգում Միհրան Հարությունյանը   1/8 եզրափակիչում կմրցի եգիպտացի Սալեհ Կահկի հետ:

Գոտեմարտերը կմեկնարկեն Երևանի ժամանակով 17:00-ին, եզրափակիչները` 23:00-ին:

Գերծանր քաշային կարգի ծանրորդներ Գոռ Մինասյանի ու Ռուբեն Ալեքսանյանի ելույթները կսկսվեն 02:00-ին: