Թուրքիայում պիտբուլներին ստիպել են հոշոտել «Գյուլենին»

Թուրքիայի Չորում քաղաքում շարունակվում է «հանուն դեմոկրատիայի հսկումը»:

Ըստ Haberler-ի՝ երկրում հեղաշրջման փորձից ի վեր հրապարակներից չհեռացող քաղաքացիների մի խումբ Ֆեթուլլահ Գյուլենի դեմ իր վրդովմունքն արտահայտելու «յուրահատուկ» ձև է գտել:

Պատրաստելով Գյուլենի խրտվիլակը՝ ցուցարարները պիտբուլ տեսակի շներին բաց են թողել խրտվիլակի վրա՝ ստիպելով այն հոշոտել:

Չբավարարվելով այդքանով՝ վերջիններս տեսագրել և լուսանկարել  են Գյուլենի խրտվիլակը հոշոտելու պահը:

Նշենք, որ Անկարան հեղաշրջման փորձն իրականացնելու մեջ մեղադրում է Էրդողանի քաղաքական ընդդիմադիր Ֆեթուլլահ Գյուլենին, ով ապրում է ԱՄՆ-ում: Անկարան ամեն քայլի դիմում է՝ նրա արտահանձման արդյունքին հասնելու համար: