Հրաժարական տված ամերիկացի պաշտոնյան կողմակից էր Գյուլենին հանձնելուն

Սպիտակ տան Ազգային անվտանգության հարցերով խորհրդական Մայք Ֆլինը հրաժարական է տվել:  Ըստ թուրքական «Haberler» լրատվամիջոցի` հրաժարականի պատճառ է հանդիսացել Ֆլինի գաղտնի  հեռախոսազրույցը ԱՄՆ-ում Ռուսաստանի արտակարգ և լիազոր դեսպան Սերգեյ Իվանովիչի հետ 2016թ. դեկտեմբերի 29-ին: Այդ հեռախոսազրույցի ընթացքում Ֆլինը ռուս դեսպանի հետ քննարկել է  Ռուսաստանի դեմ իրականացվող պատժամիջոցների թուլացման հարցը:

Ըստ Ermenihaber-ի՝ թուրքական աղբյուրը հիշեցնում է, որ  Ֆլինը ավելի վաղ հայտարարություն էր արել, որում նշում էր, որ  ԱՄՆ-ը պետք է Թուրքիային արտահանձնի իսլամի քարոզիչ, ամերիկաբնակ միլիարդատեր Ֆեթուլահ Գյուլենին: (խմբ. նրան թուրքական իշխանությունները մեղադրում են հուլիսի 15-ին Թուրքիայում  տեղի ունեցած ռազմական հեղաշրջման փորձի կազմակերպման մեջ): Նա Գյուլենի արտահանձման մասին մասնավորապես ասել էր, թե իբր պաշտոնական Վաշինգտոնը, չարտահանձնելով ամերիկաբնակ` իսլամի քարոզչին, իր տարածքում փաստացիորեն ապաստան է տալիս  Թուրքիայի «Ուսամա Բեն Լադենին»: