ԱՄՆ-ը քեզ մի քիչ էլ կօգտագործի, ապա, որպես կեղտոտ սպիտակեղեն, դռան դիմաց կնետի. Էրդողանը՝ Գյուլենին

Թուրքիայի նախագահ Ռեջեփ Թայիփ Էրդողանը հերթական անգամ թիրախավորել է իր գլխավոր ընդդիմադիր, կրոնական շարժման առաջնորդ Ֆեթուլլահ Գյուլենին, ով այժմ բնակվում է ԱՄՆ-ում:

Նշենք, որ Գյուլենի ղեկավարած շարժումը Թուրքիայում ահաբեկչական է համարվում: Նաև ռազմական հեղաշրջման մեջ այդ երկրի իշխանությունների կողմից մեղադրվող Գյուլենի արտահանձնման համար Թուրքիան բազմիցս դիմել է ԱՄՆ-ին, սակայն՝մերժվել է:

Ըստ Birgun-ի՝ Էրդողանը խոսքն ուղղել է Գյուլենին՝ ասելով, որ ԱՄՆ-ը նրան ցմահ չի կարող պաշտպանել: «Դու կարծում ես, որ ԱՄՆ-ը մինչև մահ քեզ պաշտպանելո՞ւ է: ԱՄՆ-ը քեզ մի քիչ էլ կօգտագործի, ապա, որպես կեղտոտ սպիտակեղեն, դռան դիմաց կնետի: Դու դավաճանեցիր այս ժողովրդին, դու ծանր ես վճարելու դրա համար»,- հայտարարել է նա:

Թուրքիայի նախագահի այս տգեղ համեմատությունը ընդդիմադիրների կողմից համացանցում քննադատությունների է արժանացել: