Շնորհավորում եմ, Գյուլենին վերադարձրեք. Յըլդըրըմի հապճեպ շնորհավորանքը՝ Թրամփին

Թուրքիայի վարչապետ Բինալի Յըլդըրըմը շնորհավորել է ԱՄՆ նախագահ Դոնալդ Թրամփին՝ ուղերձում միաժամանակ կոչ անելով նրան:

Ըստ Diken-ի՝ նա կոչ է արել Թրամփին` արտահանձնել ԱՄՆ Փենսիլվանիա նահանգում բնակվող` իսլամի հայտնի քարոզիչ, Թուրքիայում հուլիսի 15-ի ռազմական հեղաշրջման փորձը գլխավորելու մեջ մեղադրվող Ֆեթհուլլահ Գյուլենին: Յըլդըրդմի համոզմամբ՝ «Գյուլենի արտահանձնումը երկկողմ հարաբերություններում նոր էջ կբացի»:

«Եթե մեր հարաբերությունները փչացնող այդ ահաբեկչական կազմակերպության պարագլխին կարճ ժամանակում մեզ հանձնեք, Թուրքիա-ԱՄՆ բարեկամության համար նոր էջ բացած կլինեք»,- ուղերձում առանձնահատուկ նշել է Թուրքիայի վարչապետը:

Հիշեցնենք, որ ԱՄՆ-ում տեղի ունեցած նախագահական ընտրությունների արդյունքում նոր նախագահ է ընտրվել Դոնալդ  Թրամփը: