Ուրուգվայական կինոյի փառատոն` Երևանում

Հուլիսի 2-ից 4-ը Երևանում (Հենրիկ Մալայանի անվ․ կինոդերասանի թատրոնում) տեղի կունենա «Ուրուգվայական կինո 2»  փառատոնը։

Ծրագիրն իր մեջ ներառում է վավերագրական եւ խաղարկային բացառիկ ֆիլմեր, որոնք արտացոլում են երկրի ոգին՝ պատմության, երաժշտության եւ այլ առանձնահատկությունների միջոցով։

Ֆիլմերը ցուցադրվելու են բնօրինակ տարբերակով՝  անգլերեն վերտառությամբ։ Մուտքն ազատ է:

Փառատոնը Հայաստանում ներկայացնում է “Cinemateca Armenia”-ի հիմնադիր-ղեկավար Ջեք Պողոսյանը, ով ներկա կլինի ցուցադրությունների ընթացքում։

Ցուցադրությունների ծրագրային հերթականությանը կարող եք հետեւել իրադարձության ֆեյսբուքյան էջում՝ https://www.facebook.com/events/1875276256032843/?active_tab=highlights։