Կանանց կինոյի հնգօրյա փառատոնը մեկնարկեց

Ն.ՊԵՏՐՈՍՅԱՆ

«Համագործակցում ենք տարբեր երկրների կինոգործիչների հետ և առանձնակի ամուր է համագործակցությունը ռուսաստանյան փառատոների հետ: Դա մեծապես նպաստում է մեր տեղեկացված լինելուն և այն ֆիլմերի առավել լայն ընտրության, որոնք ներկայացվում են փառատոնի շրջանակներում: Ի վերջո, որքան էլ մտայնություն լինի, թե կին ստեղծագործողի աշխատանքը լուրջ դիտարկման արժանի չէ, այնուամենայնիվ, հակառակի ապացույցները միշտ էլ առկա են»,- տեղեկացրեց «Կին» միջազգային 7-րդ կինոփառատոնի տնօրեն Մարիամ Օհանյանը:

Նրա խոսքով, Հայաստանում դեռևս վերապահումով են մոտենում կին ստեղծագործողի աշխատանքներպին, թերևս դա էլ վճռական դեր է կատարում փառատոնի ոչ մասսայականության հարցում:

Այս տարի էլ մասնակցության աշխարհագրությունը լայն է՝ 18 երկրից. Ռուսաստան, Վրաստան, Իրան, Թուրքիա, Լատվիա, Հայաստան և այլն:

Տղամարդ ռեժիսորների ֆիլմերը Կին» փառատոնում կլինեն հյուրի կարգավիճակում, իսկ դեփյուտանտներն այս տարի առաջին անգամ մրցանակի կարժանան առանձին անվանակարգով: Բացի ասվածը կա ևս երեք անվանակարգ՝ լավագույնֆիլմ, հատուկ մրցանակ, դիպլոմներ:

«Կին» միջազգային 7-րդ կինոփառատոնը, որ մեկնարկեց այսօր, հովանավորում են ՀՀ մշակույթի նախարարությունը, Հայաստանում Կանադայի դեսպանատունը, Գյոթեի ինստիտուտը, Կանանց գլոբալ ֆոնդ ընկերությունը: