Կյանքում իմ կինը ինձանից հարուստ չի եղել. Այվազյան

Այսօր լրագրողները ԱԺ ՀՀԿ խմբակցության պատգամավոր Վարդան Այվազյանից հետաքրքվեցին, թե որտեղի՞ց են մեր պետական պաշտոնյաները, պատգամավորներն այդքան գումար տնտեսել ու դղյակներ կառուցել: Նա պատասխանեց. «Եթե խոսքը ինձ է վերաբերում, ասեմ, որ իմ հարստությունը յոթ տարի բացահայտեցիք, թարս ստացվեց, Ամերիկայից բռնցրած` յոթ տարի բացահայտում եք: Չորս անգամ մենակ Ամերիկաներում կրեցի: Իմ գործունեությունը հրապարակային ցույց է տրվում: Կյանքում իմ կինը ինձանից հարուստ չի եղել: Ես կուզեմ, որ այդ նույն հարցը տաք այն մարդուն, որին տեսնում եք, որին գիտեք: Խոսել ու ենթադրություններ անել, թե ում հարստությունը որտեղից է, եթե ընկնենք վհուկների որսի հետևից, մենք կունենանք կապիտալի արտահոսք: Դա նրա համար, որ համատարած չասես թալանչի, որ չընկնես էսյան-էնյան»:

Դիտարկմանը, թե անունները շատ են, օրինակ` Հովիկ Աբրահամյան, Գագիկ Խաչատրյան, Այվազյանն արձագանքեց. «Հովիկ Աբրահամյանին ու Գագիկ Խաչատրյանին որ տեսնում եք, միկրաֆոնը բռնեք ու ասեք, Վարդան Այվազյանին ինչի՞ եք ասում: Երբ իմ տունը Մոնումենտում կլինի, կհարցնես: Ինքան որ ես եմ աշխատել այլ երկրներում, ո'չ դու, ո'չ էլ քո մոտակա շրջապատը էդքան չի կարա աշխատի: Ես դրսից եմ փող բերել, ի տարբերություն ոմանց, որ ստեղ գողանում են ուրիշի ջեբից»: