կարևոր
922 դիտում, 2 ժամ առաջ - 2025-08-04 21:11
Աշխարհ

Իրանում Լարիջանիի կլանը կրկին բեմ է բարձրանում

Իրանում Լարիջանիի կլանը կրկին բեմ է բարձրանում
Իրանի գերագույն առաջնորդի ավագ խորհրդական Ալի Լարիջանին շուտով կարող է զբաղեցնել երկրի Ազգային անվտանգության բարձրագույն խորհրդի քարտուղարի պաշտոնը`այդ պաշտոնում փոխարինելով Ալի Աքբար Ահմադիյանին։ Այս մասին գրում է Fars գործակալությունը: Երկրի Սահմանադրության 176-րդ հոդվածի համաձայն` ենթադրվում է՝ այդ փոփոխոթյունները կուղեկցվեն Անվտանգության խորհրդից Սայիդ Ջալիլիի հեռացմամբ: Այլ կերպ ասած՝ նա կզբաղվի «հատուկ ռազմավարական դոսյեներով» պաշտպանւոթյան խորհրդի շրջանակներում` մնալով ազգային անվտանգության բարձրագույն խորհրդի անդամ։ Փորձագետները կարծում են՝ Թեհրանում նախապատրաստվում են որոշակի քաղաքական, տնտեսական եւ, հնարավոր է, աշխարհաքաղաքական փոփոխություններ: «Լարիջանի կլանը» երկրում իր ազդեցության բարձունքին հասավ 2000-ականների սկզբին, երբ հավաքեց առավելագույն վարչական հզորոթյուն, քաղաքական ազդեցություն եւ ստեղծեց կայուն ֆինանսական հիմք:

Իրավիճակը մեկնաբանում է Ստանիսլավ Տարասովը։

«Անկասկած, հինգ եղբայրների մեջ առաջատարը ավագ Ալի Արդաշիր Լարիջանին էր։ 2008-2020ին նա զբաղեցրել է Իրանի Միջլիսի խոսնակի պաշտոնը, իսկ մինչ այդ որպես ազգային անվտանգության բարձրագույն խորհրդի քարտուղար 2005-2007-ին գլխավորել միջուկային ծրագրի շուրջ բանակցությունները, գերագույն առաջնորդի հայացքները համակարգել Իրանի տարբեր քաղաքական խմբակցությունների հետ: Նա աջակցել է 2015-ին Ռոհանին-Զարիֆի միջուկային գործարքին` ապահովելով դրա հաստատումը խորհրդարանում: Բայց հետո նա արգելափակեց բարեփոխիչների նախաձռնությունները խորհրդարանում եւ ամեն կերպ սաբոտաժի ենթարկեց նախարարների կաբինետի աշխատանքը։ Իսկ բարեփոխիչները չներեցին կլանին Ռոհանիի կաբինետի դեմ նրա պայքարը` նրան ամբողջությամբ դուրս թողնելով իրենց քաղաքական հաշվարկներից՝ խաղադրույք կատարելով նոր առաջնորդների վրա, ինչպիսին Մասուդ Փեզեշքիյանն է: Այդ պատճառով Թեհրանում կանխազգում են, այսպես կոչված, պահպանողականների եւ բարեփոխիչների միջեւ քաղաքական մարտերի սկիզբը, հատկապես ԱՄՆ-ի հետ 12-օրյա պատերազմից հետո, թեեւ Իրանի ներքին եւ արտաքին քաղաքականության միջանցքները շատ ոլորապտույտ են մնում»,- կարծում է Տարասովը։

«Կարելի է ենթադրել՝ այն կարող է վճռորոշ ազդեցություն ունենալ Իրանի միջուկային ծրագրի հետագա առաջընթացի ողջ ընթացքի վրա։ Այն փաստը, որ այս խնդիրը, որը ժամանակի ընթացքում ավելի ու ավելի է կարեւորվում եւ դրվում է անկասկած քաղաքական եւ պետական առաջնության մեջ, ներառված է Ազգային անվտանգության ազգային խորհրդի անմիջական իրավասության մեջ, հսկայական քաղաքական կշիռ է տալիս նրա քարտուղարի գործչին»,- ամփոփում է Տարասովը:

Աղբյուրը՝ iarex.ru
Թարգմանեց Գայանե Մանուկյանը։