Կհամագործակցենք Տաջիկստանի հետ

Կառավարության այսօրվա նիստում սպորտի և երիտասարդության նախարար Գաբրիել Ղազարյանը ներկայացրեց որոշում «Հայաստանի Հանրապետության կառավարության և Տաջիկստանի Հանրապետության կառավարության միջև երիտասարդության հետ աշխատանքի և սպորտի բնագավառներում համագործակցության մասին» համաձայնագրի մասին, որի նպատակն է զարգացնել և ամրապնդել փոխադարձ սերտ կապերի ստեղծումն ու համագործակցությունը սպորտի բնագավառում, ինչպես նաև երիտասարդ սերնդի ներկայացուցիչների միջև եղբայրական հարաբերությունները:

Համաձայնագրի ստորագրումը կնպաստի մարզական կազմակերպությունների միջև համագործակցությանը, նրանց մասնակցությանը երկու երկրներում անցկացվող մարզական միջոցառումներին, երիտասարդական կապերի ամրապնդմանը և զարգացմանը իրենց երկրներում գրանցված պետական կառույցների, երիտասարդական հասարակական կազմակերպությունների միջոցով, երիտասարդության և սպորտի խնդիրներով զբաղվող հետազոտական կազմակերպությունների կամ կենտրոնների միջև անմիջական կապերի զարգացմանը:

Որոշումն ընդունվել է: