Դավութօղլուն վստահեցրել է, որ կառավարությունն առնչություն չունի Zaman-ի «գրավման» հետ

Թուրքիայի վարչապետ Ահմեդ Դավութօղլուն հայտարարել է, որ կառավարությունը ոչ մի առնչություն չունի  թուրքական ընդդիմադիր Zaman թերթի առնչությամբ դատարանի որոշման հետ:

Թուրքական մամուլին ուղղված իր հայտարարությունում  Դավութօղլուն վստահեցրել է, որ  ոչ ոք չպիտի կասկածի տակ առնի Թուրքիայում մամուլի ազատությունը: 

Հիշեցնենք, որ Ստամբուլի դատարանը ընդդիմադիր թերթի կառավարումը հանձնել էր կառավարական հոգաբարձուներին, որից հետո բողոքի ցույցի դուրս եկած մարդկանց ոստիկանները ցրել էին բռնի ուժով:

Ավելի ուշ եվրոպացի բարձրաստիճան պաշտոնյաներն իրենց անհանգստությունն էին հայտնել ստեղծված իրավիճակի առնչությամբ: