ԱՄՆ-ն առնչություն չունի Հանիեի սպանության հետ․ Բլինքեն

Հայտնել էինք, որ Իրանի արտաքին գործերի նախարարությունը Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիյեի սպանությանը մեղսակից է անվանել ԱՄՆ-ին​։

ԱՄՆ պետքարտուղար Էնթոնի Բլինկենն այս մասով հայտարարել է, որ Միացյալ Նահանգները ներգրավված չէ ՀԱՄԱՍ-ի առաջնորդ Իսմայիլ Հանիեի սպանությանը։

«Սա մի բան է, որի մասին մենք տեղյակ չէինք կամ ներգրավված չէինք: Շատ դժվար է ենթադրել», - ասել է Բլինկենը Channel News Asia-ին տված հարցազրույցում Սինգապուր կատարած այցի ժամանակ:

Հիշեցնենք՝ Թեհրանում սպանվել է ՀԱՄԱՍ շարժման քաղաքական բյուրոյի ղեկավար Իսմայիլ Հանիան։ Շարժումը հայտարարել է, որ հարձակումը տեղի է ունեցել այն բանից հետո, երբ Հանիան մասնակցել է Իրանի նորընտիր նախագահ Մասուդ Փեզեշքիանի երդմնակալության արարողությանը:

Ավելի վաղ հայտնել էինք՝ Իրանի նախագահ Մասուդ Փեզեշքիանը հայտարարել է, որ կստիպի Իսրայելին զղջալ Հանիեի սպանության համար։

Իր հերթին Իրանի հոգևոր առաջնորդ այաթոլլա Ալի Խամենեին Իսրայելին «խիստ պատիժ» է խոստացել ՀԱՄԱՍ կազմակերպության քաղաքական թևի ղեկավար Իսմայիլ Հանիայի սպանության համար:

ՌԴ ԱԳՆ-ն ևս անդրադարձել է ՀԱՄԱՍ-ի քաղբյուրոյի ղեկավարի մահվանը՝ որակելով սյն քաղաքական սպանություն։