Հայտնի են «Ալաշկերտ»-ի մրցակիցները` ուսումնամարզական հավաքի ընթացքում

Ֆուտբոլի ՀՀ Բարձրագույն խմբի առաջնության առաջատար` Երևանի «Ալաշկերտ»-ն իր   արտասահմանյան առաջին հավաքի ընթացքում երկու ստուգողական հանդիպում կանցկացնի հունգարական թիմերի հետ, մրցելով Մերկանտիլ Բանկ Լիգայում (2-րդ մակարդակ) հանդես եկող «Սիոֆոկ» և «Սորոկսար» թիմերի հետ» Ինչպես տեղեկացնում է ակումբի մամուլի ծառայությունը, արտասահմանյան երկրորդ հավաքին նախատեսված է արդեն երեք ստուգողական խաղ: Դրանք տեղի կունենան փետրվարի 18-ին, 21-ին և 25-ին: Առաջին մրցակիցը Ղազախստանի «Ժետիսու»-ն է, երկրորդը Լիտվայի «Սուդուվա»-ն: Ուժեղ մրցակից է սպասում «Ալաշկերտ»-ին երրորդ խաղում՝ ի դեմս Չինաստանի 1-ին դիվիզիոնի «Բեյջինգ ԲիՋի» թիմի: Իր երկրի ավարտված առաջնությունում այս թիմը հանրահայտ սերբ մասնագետ Ալեքսանդր Ստանոևիչի գլխավորությամբ զբաղեցրել է 4-րդ տեղը: Նշենք, որ Ստանոևիչը ժամանակին եղել է Սերբիայի հավաքականի գլխավոր մարզչի օգնականը, երիտասարդական հավաքականի գլխավոր մարզիչը, մարզել է նաև «Պարտիզան»-ը: